|
تورکجه بایاتی توپلومو(دوبیتی های ترکی)بخش چهارم
گئجه نين آيينا باخ ، اولدوزون سايينا باخ يار يولوندا جان اودوزدوم ، وئرديگي پايينا باخ
آچيلميشام گول كيمي ، اوخورام بولبول كيمي ديمه منيم كؤنلومه ، ساراللام سونبول كيمي
داغلارا دولو دوشر ، قارياغار دولو دوشر قبريم يول اوسته قازين ، آنامين يولو دوشر
آي قيز منيم پاييمسان ، گؤي اوزونده آييمسان من سني چوخ ايسترم ، ياخشي منيم تاييمسان
بوچايلار جوشار ايندي قايناييب داشار ايندي گؤزوم داغلاردا قاليب يار آشيب گلر ايندي
من عاشيق داشلي گئتدي ياريم بيرباشلي گئتدي ايكي كؤنول آيريلدي گؤزلري ياشلي گئتدي
من عاشيق داشلي گئتدي ياريم بيرباشلي گئتدي ايكي كؤنول آيريلدي گؤزلري ياشلي گئتدي
عزيزيم بالاباني، آستا چال بالاباني، هامي گلدی غربتدن، بس منيم بالام هاني؟
سور آتيني دوز يئردن آياقلارين اوز يئردن سنسيز يارام ساغالماز گلسه طبيب يوز يئردن
جوان گلين ،دول گلين اوللام سنه قول گلين بويول گئدر-گلمزدي گل،گؤزلرم يول،گلين
داغ باشيندان سس گلير ائله بيل بيركس گلير يار گؤندرن نامه دن بير ايستي نفس گلير
قالانين داشي آزدير اوستونده كاشي آزدير وئرمه ديلر ياريمي دئديلر ياشي آزدير
سويوق ايستي چاغيرير دومان توستو چاغيرير باش ياسديقدا گؤز يولدا ديليم دوستو چاغيرير
داغاگئتديم قار اولدو داغ باشيما دار اولدو بولبول باغچادان اوچدو كؤنلوم ائوي خار اولدو
كاروان يولا دوزولور آلاگؤزلر سوزولور نئجه من آغلاماييم اليم ياردان اوزولور
ياغيش تؤكور،چاي داشير دينديرمه ديليم چاشير صاباح سفر گونودو قولون بوينومدان آشير
عزيزيم اوزه دوشدو سورمه چك گؤزده دوشدو هركس اؤز كئفينده دي آيريليق بيزه دوشدو
سو گلر داشا دولو قار ياغار قاشا دولو يار ياردان آيريلاندا گؤزلري ياشا دولو
آچيب گوللر اوزونو بولبول دئير سؤزونو چكرم يار حسرتين آيلار،ايللر اوزونو
نظرات شما عزیزان: |+| نوشته شده توسط سولدوزلو در چهار شنبه 4 مهر 1393برچسب:ندای آذربایجان,بایاتی,دوبیتی های ترکی,شعرترکی,شعرلر,تورکجه شعر,آذربایجان,تورک خلق ادبیاتی,آذربایجان ادبیاتی,اشعارترکی,شاعران ترک,نویسندگان ترک,شاعران آذربایجانی,ادیبان آذربایجانی,شعرهای ترکی,دوبیتی,دوبیتی به زبان ترکی,اشعارآذربایجانی,azərbaycan, و ساعت 
|
 * * * * الله یا معين الضعفا * * * *
لوگو و بنر دوستان
 |
